महादेव महादेव महादेव दयानिधे।
भवानेव भवानेव भवानेव गतिर्मम।। 42
तव तत्त्वं न जानामि कीदृशोसि महेश्वर।
यादृशोसि महादेव तादृशाय नमो नमः।। 43
मृत्युञ्जयाय रुद्राय नीलकण्ठाय शम्भवे।
अमृतेशाय शर्वाय महादेवाय ते नमः।। 44
ओं नम श्शिवाय। ओं नम श्शिवाय।
आत्मा त्वं गिरिजा मति स्सहचराः प्राणा श्शरीरं गृहम्
पूजा ते विषयोपभोग रचना निद्रा समाधि स्थितिः।
सञ्चारः पदयोः प्रदक्षिण विधि स्स्तोत्राणि सर्वा गिरः
यद्यत् कर्म करोमि तत्तदखिलं शम्भो तवाराधनम्।। 45
करचरणकृतं वा कायजं कर्णजं वा
श्रवण नयनजं वा मानसं वापराधम्।
विहित मविहितं वा सर्व मेतत् क्षमस्व
जय जय करुणाब्धे श्रीमहादेव शंभो।। 46